Friday, 1 June 2018

Petrol Pump Kaise Khole Puri Jankari Hindi Me

Aaj ke dour me petrol or diesel har kisi ki jarurat hai. Bina petrol or diesel ke aap gadi chlane ki kalpna bhi nahi kar sakte hai. Aap har 2-3 din se apni gadi me petrol bhrvate hai or agar aapki gadi diesel se chalti hai to aap diesel bhrvaate hai.

Abhi kuch dino se petrol or diesel ke bhav bhi badh rahe hai. Aese me yeh bhi hamari kamar tod rahe hai. Lekin kya kabhi aapke dimaag me yeh khyal aaya hai ki aakhir yeh petrol pump vale is business se kitna earn kar lete honge? Inhe per litre kitna milta hoga? Aese kai sawal aapke man me aa rahe honge.
Petrol Pump Kaise Khole


Petrol pump ka business bahut hi fayde ka business hai. Agar aap acchi location yaa acchi jagah par petrol pump open karte hai to aapko bahut jyada fayda hoga. Ganv me petrol pump open karne ki cost city se kam aati hai. Jaisa ki aap jaante hai yeh business bahut fayde ka souda hai, isliye iska license lena bhi thoda mushkil hai.

Aaj ki is post me hum aapko batayenge ki petrol pump open karne ke liye aapko kya-kya karna hoga or iske liye online apply kaise karte hai or isme kitni cost aati hai or isme kitna fayda aap kama sakte hai. Yeh sab janne ke liye aapko puri post ko padhna hoga.
How To Start Petrol Pump Business In Hindi

Petrol Pump Ka Business Kaise Start Kare 

Petrol Pump Open karne Ke Rules

1.Aapki age 21 se 55 varsh ke beech honi chahiye.
2.Indian citizen hona jaruri hai.
3.10th pass hona jaruri hai.

Petrol Pump Ke Liye Jagah Ke Kya Rules Hai


Jis jagah aap petrol pump open kar rahe hai us land ka pura document aapke pas hona chahiye.
Agar aapki jameen agriculture hai to aapko use non agriculture me convert karana hoga.

Agar aapki khud ki jameen nahi hai to aapko jameen owner se no objection certificate lena hoga, jise NOC kahte hai.

Agar aap jameen rent par le rahe hai to aapko rent agreement dikhana hoga.

Agar aap family me kisi ke naam se petrol pump open kar rahe hai to aapko affidavit or NOC banvana hoga.

How To Open Petrol Pump

Petrol pump ke liye license dene vali kampniyaa newspaper me advertisement deti rahti hai. Isi advertisement ko dekhkar aap petrol pump ke liye apply kar sakte hai. Agar aapmki jameen aas-paas kahi hai to bhi aap petrol pump ke liye apply kar sakte hai. Aap iske liye online apply bhi kar sakte hai.

Petrol pump ke liye online apply kaise kare

Jab aap newspaper me advertisement dekhte hai yaa online advertisement dekhte hai to aap petrol pump ke liye online apply kar sakte hai. Petrol pump ke liye apply karne ke liye aapko petrol pump dene vali kampniyo ki site par jana hoga.

Example ke liye aap Hindustan petroleum ki website par jakar iske liye online apply kar sakte hai. Isi tarah bharat petroleum par bhi petrol pump ke liye online apply kar sakte hai.

HINDUSTAN PETROLEUM : http://www.hpretail.in/land

BHARAT PETROLEUM : https://www.bharatpetroleum.com/images/files/BPCL-delear-selection-guidelines-brochure.pdf

Petrol Pump Open Karne Me Aane Vali Cost

Petrol pump open karne ke liye aane vali cost uski jagah par depend karta hai. Agar aap city me petrol pump open karte hai to 15-20 lakh ka kharch aata hai or agar aap village me petrol pump open karte hai to iska kharch 10-12 lakh rupyee tak aata hai. Iske alava jo company petrol pump de rahi hai uske hisaab se bhi kharch ko analysis kiya jata hai.

Petrol Pump Me Kitna Profit Ya Margin Hota Hai

Agar aap petrol Pump Open karte hai to aapko Petrol me per liter par 2.5 se 3 rupye tak ka profit hota hai or diesel me per liter par 1.80 se 2.5 rupye tak ka profit hota hai. Maan lo agar aap din me 5000 liter petrol sell karte hai to aap rojana 15000 rupye tak kama sakte hai.

Isi tarah agar aap 4000 liter diesel sell karte hai to 2 rupye ke hisaab se daily ke 4000 rupye tak kama sakte hai. City or village ka bhi depend karta hai or uske alava isme location bahut mayne rakhti hai. Agar aapka petrol pump acchi location par hai to aap aasani se bahut jyada profit kama sakte hai.

Petrol Pump Open Karne Ki Process

Petrol pump ke liye kampniyaa time-time par advertisement deti rahti hai. Aapko bas inhi advertisement par dhayan dena hai. Jab advertisement aa jaye to aap sare document lekar online apply kar sakte hai.

Jab aapka location select ho jata hai to company aapse contact karti hai or aapko second round ke liye bulati hai. Second round me face to face interview hota hai or jab company satisfy ho jati hai to aapko license de deti hai or aap apna khud ka petrol pump open kar sakte hai.

Or aakhir me …

Sabse khaas baat yeh hai ki aap farzi advertisement ke chkkr me naa fanse. Aaye din newspaper me fake advertisement aate rahte hai, isme bhole-bhale logo ko fansakar moti rakam hadap li jati hai.
Isliye jab bhi aapko koi petrol pump open karne ki baat kahta hai to sabse pahle check kare ki vo aadmi jis company ka kah raha hai vo us se related hai ya nahi. Isliye aapko us company se cotact karke sari jankari leni chahiye or aage process karna chahiye.

Jaisa ki mene aapko pahle hi bata diya hai ki petrol pump ka license aasani se nahi milta hai to aap aese kisi bhi fake call ke chkkr me naa pade. Iske liye aapko khud ko apply karna padta hai naa ki company aapko call karke aese offer deti hai.

Agar aapko petrol pump kaise khole eske bare me jankari pasand aayi ho to ise apne dosto ke sath share kare or comment box me apne vichar de taaki hum aage bhi aesei business post kar sake. Agar aapka koi sawal is post se related hai to aap comment box me hamse puch sakte hai.

0 comments:

Post a Comment