Sunday, 17 December 2017

Bhim App Kya Hai Bhim App Kaise Use Kare

Aap sab ko pata hoga ki 30 December 2016 ko hamare aadrniy prime minister ne financial transaction ke liye BHIM App launch kiya tha. BHIM App ka naam aadrniy bhimrav ambedkar ke naam par rakha gaya tha. 

Notbandi ke baad se BHIM App bahut popular raha hai or ek din me iske 50 lakh se jyada download huye the. Aaj hum aapko BHIM App kya hai or iska kaise use kare iske bare me batayenge.

Bhim App Kya Hai Bhim App Kaise Use Kare

BHIM App Kya Hai ?

Yeh ek financial transaction app hai jiski help se aap online paise transfer kar sakte hai vo bhi kuch hi seconds me. BHIM App ko banana vali company ka naam hai NPCI National Payments Corporation of India BHIM App ka pura naam “Bharat Interface for Money” hai. 

BHIM App UPI (Unified Payment Interface) interface par kaam karta hai.

BHIM App ke dvara aap do bank account ke beech easy way me paise transfer kar sakte hai. Agr samne vale ke pas bhi BHIM App hai to aap uske bank account se link number par bhi paise transfer kar sakte hai or yeh paise direct uske account me transfer honge.

Iska sabse bada benefit yeh hai ki isme aapko bar-bar account number or IFSC code dalne ki jarurat nahi padegi. Direct number se hi aap paise transfer kar sakte hai. 

BHIM App kai language me available hai. Aayiye jante hai ki BHIM App kaise use karte hai.

Bhim App Kaise Use Kare ?

BHIM App ko use karne ke liye aapko Google Play Store se ise download karna hoga aap chahe to niche diye gaye link se bhi ise download kar sakte hai.

BHIM App Download Link

Step 1: Download karne ke baad ise open kare or apni language choose kare or next par click kare.

Step 2: Ab aapko apna mobile number verify karne ke liye kaha jayega jiske theek niche “Let’s Get Started” ka option hoga us par click kare.

Step 3: Ab aapko vo mobile number dalna hai jo aapke bank account me registered hai. Agr aapke mobile me 2 dim hai to aap bank account se attach number vali sim ko primary sim rakhe yaa kuch time ke liye dusri sim ko band kar de.

Step 4: Ab aapke number se ek message send hoga or aap bhim app ke andar pahunch jayenge.

Step 5: Ab aapko apne Debit Card ke last 6 Digit se MPIN set karna hoga or MPIN set hone ke bad aap BHIM App ko use Karne ke liye ready hai.

Note:- Yaad rakhe BHIM App ko use karne ke liye aapke pas Debit Card yani ATM card hona jaruri hai.

BHIM App Ke Fayde

1. BHIM App ki help se aap apne account ka balance check kar sakte hai.

2. BHIM App ki help se aap QR code create karke samne vali party ko payment kar sakte hai.

3. Yeh app puri tarah se Secure or Fast App hai.



0 comments:

Post a Comment