Saturday, 28 October 2017

Smartphone Ka Software Update Karne Se Pahle Dhyan Rakhe Yeh Baate

Smartphone par aksar software update karne ke message aate rahte he to users unke terms and condition ko dekgkar ghabra jate hai ki software update kare yaa naa kare. Lekin inki yeh uljhan unke phone ko problem me daal sakti hai, kyonki yeh update phone ko naye-naye khatro se bachane me saksham hote hai.


Pichle kuch dino se google ne android OS 7.0 nougat to apple ne iphone 7 or iphone 7+ ke sath IOS 10 OS launch kiye the. Aapko bata de naa keval smartphone ke software ko update karna jaruri hai balki phone me moujud apps ko bhi update karte rahna chahiye, jisse smartphone sahi tarah se kaam karta rahe.

Kyon Jaruri Hai Software Update Karna

1. Hardware Capability

Naye phone me advance or naya hardware hota haijo fast work karta hai or naye features ko support bhi karta hai. Purane phone ke OS ko hardware ke anurup banana ke liye update jaruri hota hai. Jisse hardware me kisi tarah ke badlaav hone par OS easy way me kaam kare.

2. New Features

Phone ko update karne se usme naye features aate hai. Aksar companies user ki feedback ke anusaar naye-naye features update karti rahti hai isliye agar aapka phone update hoga to aapko bhi vah nae features aapke phone me milenge.

3. Bug Se Safety

Jis tarah software update hote hai usi tarah hackers bhi naye-naye bug develop karte rahte hai jo purane phone ko aasani se nuksaan pahuncha sakte hai. Updates me aese naye bugs se niptane or phone ki safety karne ki capacity hoti hai. Isse application ke crash hone ki problem bhi dur ho jati hai.

4. Strong Hoti Security

Smartphone ko update karna uski security ko strong banata hai. Company application, OS, apps aadi par research kar uski kamiyo ko jaan kar unhe dur karne ka paryas karti hai. Jisse hackers phone ko apna nishana naa bana sake.

Update Karne Se Pahle Dhyan Rakhe Yeh Baate

1. Smartphone par update karne se pahle memory card, pen drive, hard drive, cloud par sara data backup kar le jisse update ko install karne me koi problem naa aaye.

2. Phone ko update karne ke liye online hona jaruri hai lekin yadi phone me data balance naa ho to update naa kare varna phone se jyada balance cut sakta hai. Behtar hoga ki Wifi ka use kare jisse aapka balance or data bacha rahe.

3. Update ke douran battery ka jyada hona jaruri hai varna battery khtm hote hi update band ho jayega or data bhi faltu me kharch hoga. Isliye battery ka level 60-70% tak rakhen.

4. data backup ke bad phone ko pahle jaisa karne ke liye hard boot ya factory reset kar sakte hai. Isse aapka sara data lost ho jayega or phone pahle jaisi condition me pahunch jayega or usme new update instaal hoga. Isliye aap dono me se koi bhi tareeka apna sakte hai.


0 comments:

Post a Comment