Friday, 13 October 2017

Kya Kare Jab Koi Aapka Fake Facebook Account Bana Le

Kya kare jab aap kisi fake yaa farzi account ki friend request ko accept kar lete hai yaa fir kisi ne aapka fake facebook account bana liya ho. Facebook ke farzi account ke friend request ko bina soche samjhe accept karne ke karan aaye din financial fraud se lekar kai tarah ke nuksaan hote hai.

Isliye yeh bahut jaruri ho gaya hai ki kisi bhi friend request ko accept karne se pahle uske bare me acche se jaanch padtaal kar le. Isme sabse badi problem fake facebook account ko pahchanne me hoti hai. 

Hum sabse badi bhul yeh karte hai ki facebook par aayi sabhi friend request ko bina soche smjhe accept kar lete hai or iska ahsaas tab hota hai jab hum kisi badi pareshani me fans jaate hai.


Kya Kare Jab Koi Aapka Fake Facebook Account Bana Le


Jab koi aapka fake facebook account bana le to isse darne ki or ghabrane ki jarurat nahi hai. Jab aapke sath aesa ho jaye to aapko thoda patience rakhna chahiye. Aayiye aapko kuch upaay batate hai jiski help se aap fake account se khud ko bacha sakte hai.

Fake Facebook Account Bana Le To Sabse Pahle Kya Kare


1. Sabse pahle to aap apni timeline par message daal de ki aapke naam or photo ka fake account create kar liya gaya hai or aap apne friend ko bata de ki aese kisi account se aayi friend request ko accept naa kare.

2. Apne friend ko is fake account ko block karne ke liye request send kar de. Us fake account ko block karne ke liye jitne request facebook ko bheje jate hai is baat ki utni hi sambhavna hoti hai ki vah fake account utni jaldi facebook ke dvara block kar diya jata hai.

3. Aap us account ke bare me privacy setting me jakar us fake account ko block karne ke bare me facebook ko report kar sakte hai. Jab aapki yeh report registered kar li jati hai to aapke E-Mail id par yeh message inbox me aa jata hai ki aapne apne naam se kisi fake account ko block karne ke bare me complain darz ki hai.

Aapke dvara uthaye gaye yeh step future me aapko kisi tarah ke khtrnaak parinamo se safe rakhne me aapki help karega. Kahte bhi hai “Savdhani Hati Durghtna Ghati”. 



Isliye jitna ho sake apne friends or relative ko bata de ki kisi ne aapka fake facebook account bana liya hai or uski request accept naa kare or uske kisi message ka reply naa de.

Iske alava apne timeline par vahi video, message yaa photo share kare jiske sarvjanik hone par aapka koi nuksaan naa ho. Facebook par banaye gaye friend ke sath jyada closely naa ho. Kisi bhi facebook friend ko financially information naa de. 

Kisi bhi friend ko apne bank account, passport, pan card number aadi ki jankari naa de. Facebook par kisi bhi parkar ke business me khud ko shamil naa kare.

Facebook par jitney bhi friend request aate hai unhe jaldbazi me accept naa kare. request bheje gaye profile ko acchi tarah se jaanch parkh le or jab aap confirm ho jaye ki jiski friend request aap accept kar rahe hai vo fake nahi hai tab hi uski request ko confirm kare.


0 comments:

Post a Comment