Saturday, 14 October 2017

Cookies Kaise Kam Karti Hai Or Apne Computer Se Cookies Kaise Delete Karte Hai

Malware, virus, spam, adware, junk files aadi computer ko slow kar dete hai. Yeh computer ke liye jitney harmful hai usme moujud data ke liye utne hi ghatak hai. Isi tarah cookies se bhi computer par effect padta hai. Dhire-Dhire computer ki raftaar slow ho jati hai.

Jyadatar users cookies ke bare me jaante nahi hai or isse savdhan bhi nahi hote hai. Lekin cookies bhi aapki privacy ko nuksaan pahunchati hai. Aayiye jaante hai cookies kya hai or kaise kam karti hai or ise apne computer se delete kaise kare.

 
Computer Se Cookies Kaise Delete Karte Hai

Cookies Kya Hoti Hai ?

Cookies ek tarah ki normal text file hoti hai jiska file extension .ext hota hai. Yeh kisi web page ko surf karne ke douran hamare computer yaa laptop ki hard drive me save ho jati hai.yeh server se aati hai or user dvara dobara usi page ko search karne par, yeh information server tak pahunchati hai.

Is tarah internet user us page tak pahunch jata hai. Is tareeke se user ka time to bachta hai or sath me internet data bhi bachta hai. Har web browser par browse karte time aesi cookies sath me aa jati hai.

Cookies Kya Karti Hai ?

Ek or cookies user ko web page par jaldi pahunchakar uski help karti hai to dusri or ek jasus ki tarah kaam karti hai. Inhi ke jariye koi website internet par users ki browsing par najar rakhti hai. Kai baar to computer me moujud personal data ko bhi access kar leti hai. Isliye cookies se savdhan rahna or ise delete karna jaruri ho jata hai, jisse inhe jasusi karne se roka jaa sake.

Kaise Delete Karte Hai Cookies Ko?

Cookies ko delete karne ki process browsing par nirbhar karti hai. Har browser me cookies delete karne ki process alag-alag hoti hai. Aayiye jante hai browser se cookies delete karne ki process ke bare me.

1. Internet Explorer

Explorer se cookies delete karne ke liye browser open kare or Tools button par click kare. Upar right side me dikhaye gaye dantedar nishaan par click kare. Ab aapke samne Safety ka option dikhega. Is par click kare. Ab Delete Browsing History ka option choose kare. Iske baad Option Panel dikhai dega. Yaha Cookies vale option par click kare to sari cookies yani browsing history delete ho jayegi.

2. Google Chrome

Google chrome se cookies delete karne ke liye browser open kare or CTRL + H dabaye. Ab new tab me history open hogi. Vaha aapko left side me Clear Browsing Data ka option dikhai dega, us par click kare. Isme se cookies ke option ko selete karke Clear Browsing Data par click kar de, aapki sari cookies delete ho jayegi.

3. Mozilla Firefox

Sabse pahle firefox ka Home Page open kare. Menu me se setting ko chune. Privacy tab select kare to Setting option ke liye aapko time period dikhai dega. Yaha apne time period ko choose kare or Clear Cookies par click kare. Cookies delete ho jayegi.

Is tarah se aapka computer bhi fast ho jayega or aapki privacy bhi safe rahegi. Isliye aap time-time par apni cookies ko delete karte rahe.



2 comments: